Bøker
Biblioteket har bøker for alle aldersgrupper.

Vi tilbyr:
skjønnlitteratur (dikt, skodespel, noveller, romanar),
faglitteratur om dei fleste emne,bøker på engelsk og einskilde andre språk, lettleste bøker, storskriftbøker.

Lydbøker
Biblioteket har lydbøker til utlån for både barn, ungdom og vaksne. Vi har lydbøker både på lydkassett og på CD.

Filmar
Sula bibliotek tilbyr utlån av filmar på VHS og DVD. Vi har for det meste barnefilmar, men også nokre dokumentarfilmar som reisevideoar og opplysningsfilmar

Musikk
Biblioteket har ei samling med meir enn 700 CD-plater med musikk innanfor alle genre:klassisk, jazz, pop og rock, vise, kristen musikk, samtidsmusikk, folkemusikk og musikk for barn.

Språkkurs
Språk er kommunikasjon… Skal du ut å reise? Vil du perfeksjonere skuletysken din? Eller har du rett og slett lyst til å lære eit nytt språk? Biblioteket har kurs i mange språk. Kursa omfattar gjerne bøker og lydkassettar, eller cd’ar.

Vi tilbyr språkkurs på følgande språk: engelsk, tysk, fransk, spansk, italiensk, portugisisk, nederlandsk, russisk og norsk som framandspråk.

Teikneseriar
Biblioteket har teikneseriar til utlån for barn og ungdom.

Aviser og tidsskrift
Biblioteket abonnerer på følgande aviser:
Dagbladet, Nytt i Uka, Sulaposten, Sunnmørsposten, Vårt Land

I tillegg har biblioteket ei rekke tidsskrift. Nedanfor finn de lenker til alfabetiske lister over tidsskrifta som finnst, både på hovedbiblioteket og filialen.
Tidsskrifta kan lånast med heim, med unntak av det nyaste nummeret.

Offentleg informasjon
Kommunale sakspapir blir lagt fram ved begge bibliotekavdelingane.